As saídas e visitas: Actividades fóra da aula.

O pasado 4 de maio a proposta da profesora da materia de ciencias sociais aproveitamos para realizar unha visita ao Centro de Interpretación Ambiental de Compostela (CIAC), pareceunos unha actividade de grande interese que permitiu comprender un pouco mellor a cidade. Presenta un modelo de desenvolvemento urbano sostible partindo do seu medio natural e da necesidade da súa preservación cara ás vindeiras xeracións.

Compostela é unha vila na que se produce e consome enerxía, auga e materias primas, onde conviven diferentes ideas, opinións, culturas; e como tal precisan relacionarse entre si e co medio que os rodea. Podemos observar, a través dos contidos abordados nos diferentes espazos, os distintos fluxos de entrada de enerxía, auga e subministracións básicas; os procesos de transformación e uso, e os residuos xerados neles.

CIAC - Centro de Interpretación Ambiental de Compostela -

                              

Aproveitamos esta entrada para destacar que como futuros docentes na etapa de educación primaria esta visita sería de grande interese e destacamos que a través das visitas e saídas fóra da aula proporcionaráselle ao alumnado un contacto directo coa realidade, poderá recibir a información a través doutras canles, de forma activa e amena o que  facilitará o proceso de e-a.

Entendemos que os/as alumnos/as recibirán a información de maneira activa, participativa e significativa. Grazas a estas sesións facilítase a integración das aprendizaxes en relación cos contidos debido ao uso de distintas situacións e contextos.

A LOMCE, a reforma educativa que non contenta a ninguén

O pasado 13 e 14 de abril de 2016 aconteceu un capítulo máis das consecuencias xeradas pola aplicación da LOMCE, na nosa e nas demais comunidades autónomas, onde as asociacións de estudantes de ensino medio e das universitarias públicas convocaron dúas xornadas de folga, por iso saímos as rúas a trasladar as nosas inquedanzas ante a situación que estamos vivindo.

As asociacións de nais e pais, os alumnos, os sindicatos, os partidos políticos e distintos gobernos autonómicos mostran a súa total oposición, argumentando que a aplicación da lei con leva, entre outros, a invasión de competencias e o retroceso na calidade educativa.

A actual situación social e política que estamos a vivir, cun goberno en funcións, serve para que diferentes partidos da oposición leven ao Congreso unha proposta de lei para tentar derogar a "lei Wert", deste xeito será a primeira norma a cuestionar no pleno e os partidos políticos da oposición poderán xuntarse e deter o proceso que estamos vivindo trala  aplicación da norma; no fondo da cuestión isto non deixa de ser unha maneira de instrumentalizar politicamente a problemática que estamos a padecer.

 Estudantes en Compostela en contra da LOMCE-FOTO: RAMÓN ESCUREDO, La Voz de Galicia.

As imaxes, como empregalas nas aulas de primaria

Partindo da clase interactiva do cinco de abril do presente ano, o noso grupo de traballo entende axeitado facer unha análise do tratado na mesma, neste caso relacionado coas imaxes e a maneira de utilizalas como recurso nas aulas de primaria.

Entendemos que son un recurso de grande interese para poder acompañar á práctica docente, pero formulamos unha serie de cuestións para o seu análise:

 Cales?,  Como?, Para que?, Que?,  Como?, Cando? 

En primeiro lugar facemos unha análise no apartado legal, xa que non se poderá empregar calquera imaxe nas nosas aulas, xa que existe unha normativa que o regula e que debemos ter en conta (o descoñecemento da mesma non exime de responsabilidade); existen os denominados dereitos de autor, polo que será preciso empregar imaxes nas que os seus autores ou propietarios cedesen eses dereitos. Por elo para facilitar este proceso debemos ter presente que existen bancos de imaxes de carácter gratuíto que poderanse empregar e que cumpren coa normativa vixente; si quixeramos acceder a imaxes con unha boa resolución "libres" poderemos empregar, entre outros: (SXC, Creative Commons, Morquefile, CNICE, Pixabai, Freepik, PD Photo) 

 http://es.freeimages.com/

A desigualde no mundo: Análise dunha nova.

A nova que analizamos está extraída do diario dixital Diagonal. O titular é o seguinte: Tragedia en el Mediterráneo: naufragan 4 barcos con 400 migrantes. A nova relata o naufraxio de 4 barcos preto da costa italiana, mais concretamente da Illa de Lampedusa, co resultado de entre 300 e 400 víctimas, dependendo da fonte. 

As fontes que emprega a nova son: El Corriere de la Sera, xornal italiano, a BBC árabe, a Organización Mundial das Migracións e ACNUR.

Escollemos esta nova debido á súa relación directa co tema da desigualdade. Os procesos migratorios son resultado de distintos fenómenos socio-políticos e económicos, como a busca dunha vida mellor. A necesidade de emigrar é resultado, en gran medida da pobreza, que acarrexa unhas condicións de vida pésimas, o que conleva á existencia dunha forte desigualdade.

Estudo do Futuro

Neste sesión estivemos analizando distintas formas ou métodos de abordar o tema do estudo do futuro co alumnado de Primaria, definindo tres tipos: posible, probable e desexable.

Entendemos o futuro posible como calquera que sexa susceptible de producirse, o futuro probable como aquel que é máis factible que ocorra e por último, o futuro desexable como o óptimo para os nosos fins.

Proponse unha situación de conflito social a raíz da construción dunha ponte sobre a ría. Ante este fenómeno atopámonos cos seguintes "futuros":

Futuros posibles: Cancelación do proxecto, carencias presupostarias, inviabilidade do proxecto, necesidade de modificación do proxecto, trabas lexislativas, etc.

Presentación do grupo.

Para comezar con este diario, imos proceder a presentarnos: somos un grupo de traballo da materia Ensino e Aprendizaxe do Coñecemento do Medio, do cuarto curso do Grao de Mestre/a en Educación Primaria. Integran este grupo as seguintes persoas: Carlos, Fernando, Silvia e Xoán.